ا لــــــــــــغــــــــــــــا يــــــــــــة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ا لــــــــــــغــــــــــــــا يــــــــــــة

ديني وإجتماعي وأخباروتقنية وجمال وتعليم
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  

 

 اتحداكم اذا ماتعلمتوا معي الانجليش بطريقه مضحكه وسهله وبدقايق معدوده ,,,

اذهب الى الأسفل 
كاتب الموضوعرسالة
غايتي الجنة
المشرف العام
المشرف العام
غايتي الجنة


عدد الرسائل : 243
تاريخ التسجيل : 30/07/2008

اتحداكم اذا ماتعلمتوا معي الانجليش بطريقه مضحكه وسهله وبدقايق معدوده ,,, Empty
مُساهمةموضوع: اتحداكم اذا ماتعلمتوا معي الانجليش بطريقه مضحكه وسهله وبدقايق معدوده ,,,   اتحداكم اذا ماتعلمتوا معي الانجليش بطريقه مضحكه وسهله وبدقايق معدوده ,,, Empty2008-08-13, 1:54 am

اتحداكم اذا ماتعلمتوا انجليزي معي بطريقه مضحكه وسهله بدقائق معدوده

--------------------------------------------------------------------------------


كيف حالكم, انا ماحب البربره الزايده بدخل في السالفه بسرعه

ا زعجونا في اللغه وهي سهله بس المشكله في المعلم, فقع روسنا بالقواعد والفاعل والمنصوب والناصب والحرامي

لكن انا جيتكم وبعلمكم بدون وجع راس يالله نبدأ:

الدرس الأول: نتعلم كلمات اوكي

افرض واحد ضربك على ايدك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
=i معناها = انا

هل تحب جبنة بوك= لاحظ بوك بس نوع فاخر +بوك= book = كتاب

هل تحب الكت كات= لاحظ كات + كات=cat =قط

هل تحب الشاي= لاحظ شاي = shy = خجول <<<<<< يعني تقدر تقول : i'm shy <<<<<<<<< انا خجول

وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معناها مزارع ,,,,, ككك; farmer <<<< مزارع


من مايعرف الرئيس الأرهابي ( بوش ) بوش -بوش = push = يدفع _يعني = يدف = وتلاحضونها على الأبواب

يعني تقدار تقول= ادفع الباب او دف الباب = push the door = بوش ذا دور

كلمه ثانيه:واحد يقولك: كيل تفاح تصير قوي_ كيل برتقال _كيل موز

لاحظ ( كيل ) كيل -كيل = تعني = يقتل او اقتل = kill
مثال = اقتلني = كيل مي = kill meاو= اقتله = كيل هيم= kill him

كلمه ثانيه:

واحد يطق الباب وش تقوله: اكيد تقول ( مين) مين مين مين
mean مين = تعني = معنى او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:


وعلى فكره كلمة = com الي تشفونها في الرابط = تعني = شركه = وهي اختصار كلمة company

تسمعون الطفل المصري يقول لأمه : ماما يالله قوه البيت = قوه قوه
المهم واضح معناها لكم :
go = قوه
يالله نروح= let is go = ليتس قوه



كف = فيه احد ما جاه كف على وجه ؟ انا بصراحه تصفقت لين دخت

كف= معناها = كحه . كف = cough تقدار تقول= i have cough = اي هاف كف = انا عندي كحه او سعال

مذر كير = من مافيه من البنات مايعرف مذر كير = طبعا نوضحها للشباب = هذي

ماركة تهتم بملابس الأطفال تشوفوها دائما بلأسواق ,المهم

مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين

مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر

كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو

انا اهتم = i care = اي كير

باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان

هورس = حصان = horse باوار= قوه =power

ركزوا معي في تركيب الجمله = انا عندي حصان = i have horse =

لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره


الكل يعرف الرئيس الامريكي السابق ( بيل كلينتون )

بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك

بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس




هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي

سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك

سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر

فار = مخلوق نذل يصعب مسكه الى اذا جبت له قطوة

فار= far = معنا ها = بعيد = تقد ر تقول = انت بعيد مره = u are so far = يو ار سو ( فار) = so = تعني جدا ,مثل very )
يعني تقدر تقول= u are very far =يو ار فيري فار = على كيفكم

ني = اللحم ني او الدجاج مو مستوي ني
ني= kneeمعناها = = ركبه

بس ماعليكم من حرف الكاف في بداية الكلمه ماينطق =k nee = تنطق = ني

كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم

كان = CAN = يستطيع او يقدر = انا استطيع = I CAN

ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه


منقول
الرجوع الى أعلى الصفحة اذهب الى الأسفل
 
اتحداكم اذا ماتعلمتوا معي الانجليش بطريقه مضحكه وسهله وبدقايق معدوده ,,,
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ا لــــــــــــغــــــــــــــا يــــــــــــة :: قسم اللغات والترجمة :: اللغة الإنجليزية-
انتقل الى: